1. VUNG VIAL TO SATEL KITU NA

Saizang a om Vung Vial sia Thuklai khua a om Suumseal tuu Pu Suanh Vum (126—19), Lunteng tuu Pu Khit Thang (117-17), Ie Mangzong tuu Pu Mat Khum (105-18) te ii sila hi a, satel khat tek tawh to kai hi.

Ni khat ni in Vung Vial sia sial khat tawh tong (pawi vawt) hi. Tua a tong laitak in Thuklai khua ah pulnatna om hi. Tua laitak Mangzong tuu Mang Kim zi Hen Ngiak te nuta Vangte khua ah peam hi. Vung Vial in nah a tote satel sia Thuklai khua ah puak ngam ngawl hi.

Tua to satel thum sia Hen Ngiak in pulnatna aven ciangin beallam khat tek pia napo tong ci in ne hi. Thuklai khua pulnatna aven ciang, to thum ahi Suanh Vum, Khit Thang Ie Mat Khum te a kibangin vok tuknii tek pia hi. Khit Thang in tua vok tuknii sia sang nuamngawl hi. Hen Ngiak in vok tukthum khat pia kik hi. Ahi hang Khit Thang in hong sang ngawl tu khi hi; ih pu ih pate in sialmal khial siallio, lawimal khial lawilio na ci hi; sialmal khial nahi uh man in sial khat hong pia tavun ci hi. Mat Khum in sial pia nuam ngawl hi.

Mat Khum sia Lunmun tuu Mangzongte hi a, Mat Khum tapa sia Mang Kim hi. Mang Kim zi sia Hen Ngiak ahi hi. Mangzongte in Suunmianq tuu Luntengte Khit Thang, sial khat a piak nop ngawl ciangin khat le khat kimatna, kitha na dong piang hi.

Hi bangin kimatna, kitha na dong a pian ciangin, Suunmianq tuu in a lemtua tu in Lopheite En Mang (58-20) le Lua Thuam (53-20) cial a, lawi khat, salluang khat, zu bcal khat taw kuansak hi. Ahihang Lunmun tuu in lungkim ngawl hi. Tasia ciangin Lua Thuam le En Mang in, Lunmunte awng, Suunmianq tuu in ci maw zaw ih hile ci a, a luang uam tu in hongkuan khu hi. Tu in Lun- mun tuu in kilem tu nuam ngawl nu hi. Na kithat kik a, na kiman kik uh leh Suunniang tuu taw koptu khu hi. Kisiim non heak vun ci a tei khat pia hi. Azu asa taw heak kik hi. Kimatna, kitha nate zong om thathua lai hi.

2. LUNMUN TUU II TUAL KHENNA

Hi a tung a thu teng a pian ciangin dawi-sepna ah kilem thei ngawl ahiman in Lummun tuu in Tual khen hi. Hibangin Tual a khen ciangin Suumniang tuu in khua khat tui khat hibangin Tual khen tu piang thei ngawl tu hi ci in lungkim ngawl hi.

3. SUKTE LEMTUA NA LE TUAL KHAT KINGAWM KINA

Hi bangin Tual a khen ciangin Lunmun tuu in Suunniang tuu hong om thong ngawl tu hi ci in Sukte a lemtua tu in cial hi.

Sukte in Kham On le Hen Kai hong paisak hi. Kham On le Hen Kai in Lunmun tuu le Suunniang tuu sia ki unau nuh hi; a kithat tu a kiman tu hi-ngawl nuh hi. A kithat a kiman om non heak vun. Maisangah thu nungnei, la nungnei na om uh a, ki thatkik, ki mankik na om uh le a tangzaw pa le Sukte kikop in, a mawzaw pa hong suhuan tu khu hi ci hi.

Sukte Kham On le Hen Kai in, napu napa ii omngei bangma in Tual khat ah kingawm kik tu nuh hi a ci man in, Lummun tuu Tual bo sak a, Tualpi ah kingawm kik hi. Tualpi pan ui at a, kilemtua hi. Ui lu taw leilu deang a, a taw tawh tuitaw deang hi. Tasia ciang unau khat pata khat ngeibangma om kik hi. Tual khat, Tulpi khat, Hausa khat taw om kik hi.