March 15; Republican te na atawntung in pa le pa, numei le numei kiten theina (gay marriage) sia dei ngawl hi. Ahihang, tuni Republican party pan senator minthang mama khat ahi, Sen. Rob Prtman (Ohio) na ka ngaisutna ka khial, gay marriage ka support tu hi ci in son hi. Yale University ah saangpatang ahi a tapa na a pa le a nu tungah gay ka hi ci in son aa, kei uk kei teal hi ngawl aa, ka suak pan kipan gay ahisa in a piang hi thong khi hi ci hi. Ka tapa sia gay ahihu in a mihing thuneina (human rights) theampo taan siat tu ziam? A suak pan kipan ama uk thu hi papeu ngawl ate, gay ahihu bebek in a mihing thuneina (human rights) om ngawl tu hi ci sia ka ngaisusut kik ciang, man ka sa bua aa, tuahu in gay te zong eima bangma mihing ma hi aa, eima taw akikim in mihing thuneina (human rights) nei le ki lawm hi ci in, ka ngaisutna ka laih hi ci in son hi.

Republican Vice President lui Dick Cheney tungah bangbang ngamta tu khi ziam ci in advice ka dong aa, “Follow your heart” (na lungtang sawlna bang zui lel in) hong ci hi, ci in ama na CNN tungah son lai hi. Dick Cheny ii tanu Mary zong gay hi. ( Heaktu: 2008 kum lai Obama taw akidem John Mc Cain ii tanu zong gay hi.)[Yahoo News]