March 15; Roman Catholic pawlpi na pawlpi lampui tu Pope thak khat teal kik thei zo hi. Argentina ngammi Jorge Mario Bergoglio na nga hi. Ama sia Latin America pan pope a suak masa bel hi. Ama sia a 226na pope hi aa, 1936 kum Italy pan Argentina ngamah a peam Italy minam nupa te ii tapa hi. Ama sia Chili ngam Santiago khua ah Liberal Art taw kisai pilna sin aa, 1960 zawk ciang Argentina khuapi Buenos Aires Catholic University pan Philosophy taw degree nga hi. 1969 kum in Jesuits ci in aki he Society of Jesus pawlpi ah RC phone-gyi suak hi. Argentina khuapi Buenos Aires ii Archbishop vaipuak 1998 pan kipan seam aa, 2001 kum ciang Cardinal phone-gyi suak hi. Ama sia aki niam khiak mama, taang vai mama (conservative) le thuman thutang a dei mama khat hi ci in aki ciamte khat hi. Leitung bup ah RC pawlpi mi 1.2 billion bang om aa zakhen atam zaw sia Latin America ngam pan hi aa, Brazil le Mexico ngam ah mihingsim ii zakhen atam zaw sia RC pawlpi sung pan hi. [VOA]