March 8; Min Ko Naing lampui in 88 suan saangpatang lampui te pawl khat Kawlngam sung naingnganzi son tu a vaak kakoi sia, March tha 7 ni Teddim khua theng hi. Teddim khuami te taw thusonkhopna nei zawk ciang, India ngamngi Rih khuadal pai hi. Tua zawk ciang Falam le Haka sang zuan suak tu hi. [Khonumthung News]

Tai 92 a sau tu Reizua khua le Lai Lenpi kilaklaw motor lampi ki vawt tu aa, Kawl kumpi ii Ngamngi taw kisai vungyi zum na vaipuak la tu ci hi. [Khonumthung News]

World Bank pan huna Kawlngam khantona tu huna pia tu aa, 2013 le 2014 sung state 3 ah kipan tu hi. Tua state 3 sungah Khamtung zong khat kihel aa, state sung pan township khat ah huna pia tu ci hi. Khamtung sung pan Paletwa township na nga ahikom, kum khat huna sum sia township sung om khua khat na US $ 27000 tek nga tu hi. Khua 50 a om le zong khua 50 na $ 27000 tek nga tu hi. Tua sum taw bang vawt tu cisia a khua te in khensat tu hi. [Khonumthung News]

Kawlngam tadensa, Kyaymung sungah Zomi le Khamtung mi te zawn sakna, thu khat 2013 February 15- 19 sung ki suak sak ahikom, Chin National Party lutang Pu Zo Zam na president pa tung ah lungkim ngawlna lai thak hi. A laithak sung ah Zomi le Khamtung mi te zawn sakna lai a at pa/nu nasia tatak in thukhenna zum pan thu nong khensak natu ngen hi. A zezen thukhenna khat papo a om bua le zong vawt tu kisamh theampo ka vawt tu uh hi ci in Pu Zo Zam na at hi. [Tongsan]