President Obama in Secretary of State Hillary Clinton Kawl ngam ah mai tha sung kapai sak tu ci in son hi. Indonesia ngam Bali ah ngam lutang pawl khat meeting vawt tu in a pai Obama na, Clinton sia kum 50 val sung ah Kawl ngam a haw masaphitbel US te ii Secretary of State hi tu hi ci in son hi.

President vanleang Air Force One taw Australia pan Bali khua a lean sung vanleang sung pan Aung San Suu Kyi taw phone kaki pau ci in ama in son hi. Obama le Aung San Suu Kyi thu a sonkhop ngei phit hi. Aung San Suu Kyi in Kawl ngam thu tatuam ah US te hong kihel hong kikup natu a ukna thu hong son ci in Obama in son hi.

Tusung ma Asean meeting ah, Kawl ngam sia 2014 Asean kipawlna ii chairman sep khuan nga natu mee taw teal in pia hi. Asean Chairman hong seam le sia, Asean ngam 10 ii lutang hi tu aa, leitung ngam lian tam mama taw kizop, naa sepkhopna mun tam mama ah phat tuamna tam mama nga thei tu hi.

Hillary Clinton sia December 1 ni Kawl ngam theng tu aa, Yangon le Naypyidaw khua 2 theng tu ci in kiza hi.

Source: LA Time