1775 kum April 19 ni in Massachusetts sung Lexington khuaah Americante le Britishte hong kisim aa, ngaal hong kipan hi. Puansan sil British ngaalkapte Boston pan hong pusuak aa, akiim apaam khuanote ah Americante ii thauhui thautang khoptua teng zong tu in hong kipan hi. Lexington khua nai athet uh ciang in Minutemen (Minute-men) akina American tapungte taw kisi hi. Minutemen (Minute-men) American tapungte se, Britishte simtu ahina le minit khat sung ready mante kahi akicite hi. Akisik phit in American Minutemen lampuipa in do ngawltu, thimna taw sandah-pyahtu (Silent protest) ci in amihingte order pia hi. Bristish ngaalkapte in Minutemente khen ngawp asawm le, khat in thau lawng khat kaptha aa, hong kisimcip hi. Bristishte in lel aa, Boston dong le tai kik hi. Britishte 250 thi aa, Americante zong 93 thi hi. Tuakpan hong kipan se Britishte le Americante kilaklaw ngaal hong nasia vaial hi.Colony ngam 13 lampuite zong emergency meeting Philadelphia khua ah vawt in Britishte taw buaina vai kikumna nei uh hi. Vote taw khensatna vawt aa, Britishte simtu acite in zo hi. Colony ngam 13 kipawl in Britishte simtu in ngaalkap khontu thukimna hong nei uh aa, Virginia colony ngam lampuipa ahi George Washington se, a lampui lutangtu in kiteal hi. Ahihang England kumpipa King George III tungah ngaal ngawltaw buaina pan pusua theinatu thu kikupna nei natu ngen vave uh hi. England kumpipa in Americante ngetna saang ngawl hi.
Zom laitu
TN
