B2 vanleang (a lian bel sia) le F-16 ngaal vanleang te ngaal tha saana
March 29; North Korea president Kim Jong Un na, America le South Korea missile rocket taw kap tu, a ngaalkap te ready in om tu thu pia ci in ki za hi. Tunung North Korea te ii long range rocket a kap sin pan kipan sak le thang kilaklaw kilem ngawlna hong kipan hi. UN in North Korea ii long range missile kap hu nasia tatak in sonsia aa, tua sonsiatna lungkim ngawl ahikom, North Korea na nuclear sinna vawt laleao hi. Tabang in ngam 2 kilaklaw dik kisak ngawlna thu a om laitak ma, USA le South Korea ngam 2 na kumsim a vawt tawntung ahi, ngaal tha saanna, ngaal sim dan sinna (military drill) vawt laleo hi. Hi ngaal tha saanna sia, kum sim a vawt ngei hun in a vawt tawntung thu khat hi. Ahihang tu kum ciang North Korea te na, koma nong sim natu a sin khakhol nu hi ci in, thin uk hi. Tu sung ciang US le South Korea in ngaal tha saanna ah khat vei zong a zak ngei ngawl B 2 ngaal vanleang hong zangh hi. B 2 vanleang sia nuclear ngaalhiam apua, akap thei vangleang hi. Tua ahikom North Korea president Kim Jong Un a thinuk cip aa, South Korea le USA nuclear bom taw sim tu in a ngaalkap te ready lian in om vun ci in thu pia hi. Leitung ii muna bang hi le, North Korea ngam ii nuclear pilna sia South Korea le, Japan dong sim thei tu ahihang, American ngam dong tatak sia sim zo tatak ngawl lai tu ci hi. Ciang, A nuclear bom vawt te sia atui (liquid) system veu hi tana sensitive mama aa, puak tham pal mama hitana, tarket a thetma hui sung ah ol tatak in missile rocket taw ki kap tham thei ci hi. [The New York Times]
