Tuma abosa kum 50 hun lai James Bond piang aa, mihing theampo ii heak bel movie suak hi. Laiat “Ian Fleming” ii at British super spy James Bond movie aki zai masa phitbel ahi “Dr. No” sia October 5, 1962 ni kipan kilak aa, tu in kum 50 cing zo hi.

James Bond movie ii kum 50 taangthu sung ah James Bond akinei tu actor 5 om aa, movie 23 bang ki zai ahikkom, movie taangthu ah tam akizai bel movie hi si hi. A 23na James Bond movie ahi “Skyfall” sia, tukum (2012) November tha ni (9) ni kilak tu hi. “Dr. No” pan kipan a 22na dong ticket $ 4.9 billion vaal manh ki zuak ci hi.

James Bond akinei masa phit bel sia “Sean Connery” hi. “George Lazenby” sia “On Her Majesty’s Secret Service” sung ah kinei aa, khat vei bekma kinei hi. Tua zawk ciang James Bond tu in “Roger Moore” ki teal laleo aa James Bond movie 7 sung ki zangh suak hi. Tua zawk ciang “Timoty Dalton” ki teal laleo aa, movie 2 sung ah ki zangh hi. “Pierce Brosnan” sia tua zawk ciang ki teal aa, movie 4 sung ah James Bond in kinei hi. 2006 pan kipan James Bond tu akinei sia “Daniel Craig” hi aa, November tha akilak tu “Skyfall” taw aki ngawm movie 3 sung ah kinei zo hi.

Walther PPK Pistol

James Bond movie sung akinei actress te zong, akhan tawntung James Bond actress in ki ciamte top hi. “Dr. No” sung akinei actress “Ursula” bang sia tudongma “The first James Bond girl” ci in ki na hi. James Bond movie taw kisai a heak nop huai thu khat sia James Bond ii zak pistol hi. James Bond movie bangza in om hikale, a pistol zak sia Walther PPK hi tawntung hi. A ngaal te in Walther PPK pistol a mu le, James Bond zong tuak kiim teng theng zo, om ci in ngaal te in tel sak papai hi. Walter PPK le James Bond aki kheng thei ngawl thu hi sak hi. Khat vei Kawl movie khat sung ah Kyaw Hein na amin akidok ciang, ( ကၽြန္ေတာ့နာမည္ ဟိန္း . . ဘဟိန္း ) ci aa, James Bond style azui ka mu ngei hi. James Bond zong a min a son tu ciang “My name is Bond….James Bond” ci sak tawntung hi.

James Bond a piang sak James Bond taangthu (novel) a at sia “Ion Fleming” hi aa, a taangthu masa phit sia 1953 kum ah at hi. James Bond min zong a phua tawm hi aa, James Bond taangthu (novel) bu 12 le, short story 2 at hi. Ama sia 1964 kum aa thi aa, ama thi zawk ciang James Bond taangthu (novel) sia laiat pawl khat ahi Kingsley Amis, Christopher Wood, John Gardner, Raymond Benson, Sebastian Faulks le Jeffery Deaver cite in azom azom in at tato hi. November tha akilak tu “Skyfall” sia “John Logan” na at hi.

Tu ni ciang dong aki laksa James Bond movie le akilak kum, akinei le Director teng sia anuai abang hi.

Skyfall International version trailor