CNF le Kawl kumpi a 2 veina ki mu
May 7, 2012 ni, Chin National Front (CNF) lampui te le Kawl kumpi te Halkha khua ah peace talk a 2 veina vawt hi. Union Rest House ah meetin vawt aa, zingsang nai 9:00 pan nitak nai 4:00 dong hai ci in Khonumthung news in son hi.
Kawl kumpi sang pan Railway Minister Aung Min in lampui aa, Forestry Minister Win Htun, Electricity Energy (1) pan deputy minister 1, Border and Security Affairs Ministry pan deputy minister 1, Deputy Attorney-General, Department of Defense pan General Zaw Win le Northwestern and Western Commands pan ngalkap ulian pawl khat ki hel hi. Chin State pan Prime Minister Hung Ngai, Col. Zaw Min Oo, le Border and Security Affairs Minister zong meeting ah ki hel si hi.
CNF sang pan Dr. Sui Khar lampui in, deputy tu in Dr. Salai Ngun Cung Lian hi aa avekpi mi 17 ki hel hi.
CNF thuson pa Dr. Salai Ngun Cung Lian son bang hi le, a khat veina meeting lai thu nam (9) ki kum thei aa, tutung sia thu nam (6) ka ki kum thua thei uh ci hi.
Amasa aki kup uh thu nam (9) sung ah, ki kap ngawl tu (cease fire) vai, Tiddim, Thantlang le Paletwa khua te ah CNF zum hong thei natu vai, CNF member peuma Kawl ngam sung khual haw khuan nga natu vai, Peace talk sia union level in vawt kik natu vai, minam no (ethnic) le Democracy vai, Ngam tatuam NGO te taw nasep khop thei natu vai, Zo ngam sung bing lo (opium cultivation) bo saktu vai le siipuazii le development sang kumpi le Chin state khut ki len in nasep khop tu vai teng hi.
Tutung aki kup uh sung pan thudang te ki cian ngawl lai ahihang, February (20) sia Chin National Day in kip sak tu le, January (3) ni sia Chin State Day in kip sak natu thukimna nei ci hi. Ngamdang a theng Zo mi te Kawl ngam haw nuam a om le, visa piak tu zong thukimna nei ci in son si hi. Chin state sung ah special commercial zone khat vawt tu in CNF ii nget sia meeting kik ciang ki kup tu in khiin hi.
Source: Khonumthung: Chinland Guardian
President Zum Website
President Thei Sein zum ii nasepna theampo kuamapo in ih et, ih sim thei tu in president zum website vawt ci in Mizzima na son hi. President zum taw aki nai mihing khat ii facebook ah hi tu at aa, hai ngawl in hi website official in ki en thei tu hi zo hi ci hi.
English le Kawl lai nam 2 in ki vawt aa tu laitak sinna in aki vawt hi website sung ah Poland foreign minister le U Thein Sein thu ki koi aa, Pyitu Hlutdaw, Amyotha Hlutdaw le Pyi thaungsu Hlutdaw thu, Business, Education, Energy le ngamsung thu tatuam zong ki koi ci hi. Lawlawse, http://203.81.81.136/e-President/ ah ki en thei hi.
Source: Mizzima
Vice President Tin Aung Myint Oo tawp sawm ziam?
Nung hiat Singapore ah ki bawl tu in a pai Kawl ngam Vice president Tin Aung Myint Oo nasep tawlnga tu ci in ki son vasup hi. Cancer nga hi ci in ki son vasup hikale, kumpi in official in bangma sonna nei ngawl lai hi.
Tin Aung Myint Oo tawp le, Thura U Shwe Mann po in vice president hong seam katawm ci in a um thathong zong om hi. Ahihang, U Shwe Mann sia Hlutdaw sung ah ki it mama bilbel aa, Hlutdaw kusale te in hi thei le awi ngawl ci in zong thu ki za hi.
U Thein Sein mihing sung pan, Tin Aung Myint Oo sia, Information Minister U Kyaw san, No (1) Electric Minister U Zaw Min le Hlutdaw Kusale U Aung Thaung te taw aki bang in a khauhpai nuam pawl, ki lai tu uk lei ngawl pawl in ki ciamte hi.
Source: Irrawaddy
