4 May 2011: Zingsang nai 10:00  AM hun, Mizoram state khuapi Aizawl vanleang len Lengpui airport ah, Northeast Shuttle te vanleang khat, tu thei ngawl in, accident aa, vanleang len hui dui sung tumsuk ci in kiza hi.

A vanleang se, Imphal pan hong leang aa, atuk tu lai tak khuahun sia mama ci in kiza hi. Ngua zu si hui vasi ci in kiza hi. A vanleang se US vawt Cessna Caravan nam hi aa, mihing 9 tou thei hi. Atuk natu vanleang len sauna atawm belh meter 2500 bang kisam hikale, Lengpui vanleang len se meter 2000 bek sau ci hi. Vanleang hawlpa in air traffic control tau pan special visual landing rules taw tuk theinatu thu (permission) anga zawk ciang atusuk ahi hi.

North East Shuttle sea, private airline company khat hi aa, 2008 kumpan kipan, Aizawl, Kolkata, Guwahati, Agartala, Imphal le Silchar khuapi kilaklaw teng a leang ahi hi.

Lengpui vanleang len sea, Mizoram state sung ah khat bek anei uh vanleang len hi aa, alen sauna pi 8,200 bek sau ahikom alau huai belh vanleang kuan 11 sung ah khat ahi hi ci in India ngam vanleang lamsang zumpi ii Directorate General in ci hi.

Passenger athi om ngawl aa, 9 liam ci in kiza hi.

Thuthak bul (Source of news) The Times of India